Фильм 1937-1945 жылдары Қазақстанда, КарЛАГ аумағында өрбиді. Бұл жерде әлемнің түкпір-түкпірінен әкелінген тұтқындар қамалды. Дәл осы лагерьге испандық республикашыл Тельмо Рейес (30 жаста) пен КСРО-ға қарсы соғысқан испандық «Көк дивизия» жауынгері Сальгадо (28 жаста) тап болады. Бөгде жерде бір-біріне қас жаулар жолығады. Лагерьге түскен соң, олар жаңа ортаға бейімделуге талпынады. Фильмнің басты кейіпкерлерінің бірі – қазақ филологы, ұстаз Ораз Сәкенов (45 жаста), қазақ зиялыларының өкілі. Бұл – тарихи прототиптерге негізделген жинақталған образ. Білімді де парасатты Ораз тұтқындарға ақыл-кеңес беріп, олардың тұрмысын жеңілдетуге бар күшін салады. Сальгадо лагерьде қазақ қызы Айсулумен (26 жаста) танысып, араларында сезім оянады. Алайда Айсулу үшін патриоттық парыз бен махаббат арасынан таңдау жасау оңайға түспейді. Қазақ халқы тағдыр тәлкегіне түскен жандардың барлығын құшағына басты. Қазақстан миллиондаған адам үшін жомарттығымен, шыдамдылығымен және мейірімділігімен екінші отанына айналды. Фильм өткеннің азабын еңсеруге көмектескен халықтар достығы туралы және оны бүгінгі күні де сақтап қалудың маңыздылығын баяндайды.
